ಎನಡ ಗೊಬ್ಬೊಡ್ಚಿ, ಮಂಜೇಶ್ವರದ 'ಐಸಿರಿ ಕಲಾವಿದೆರ್' ತಂಡದ ನೂತನ ಕಲಾಕಾಣಿಕೆಯಾಗಿದ್ದು, ಶೀಘ್ರದಲ್ಲೇ ರಂಗವೇರಲು ಸಿದ್ಧವಾಗಿದೆ. ತಂಡದ ಸಾರಥಿ ಕೃಷ್ಣ ಜಿ. ಮಂಜೇಶ್ವರ ಅವರ ರಚನೆ ಹಾಗೂ ವಿಕ್ರಮ್ ದೇವಾಡಿಗ ಚಿತ್ರಾಪುರ ಅವರ ನಿರ್ದೇಶನದಲ್ಲಿ ಈ ನಾಟಕ ಮೂಡಿಬರುತ್ತಿದೆ. ಸಾಮಾನ್ಯವಾಗಿ ಕಂಡುಬರುವ ಎಂದಿನ ಹಾಸ್ಯ ಶೈಲಿಯಿಂದ ಹೊರಬಂದು, ಕುತೂಹಲ ಮತ್ತು ರೋಮಾಂಚನ ತುಂಬಿದ ವಿಭಿನ್ನ ಕಥಾಹಂದರವನ್ನು ಹೊಂದಿರುವುದು ಈ ನಾಟಕದ ವಿಶೇಷ. ಕರಾವಳಿಯ ಖ್ಯಾತ ತಾರಾ ಕಲಾವಿದರ ಅದ್ಭುತ ಅಭಿನಯದೊಂದಿಗೆ ರಂಗಕ್ಕೆ ಬರುತ್ತಿರುವ ಎನಡ ಗೊಬ್ಬೊಡ್ಚಿ, ತುಳು ರಂಗಪ್ರಿಯರಿಗೆ ಹೊಚ್ಚ ಹೊಸ ಅನುಭವವನ್ನು ನೀಡುವ ಭರವಸೆ ಮೂಡಿಸಿದೆ.