'ಅಷ್ಟೆಮಿ' ಬೈಲೂರಿನ 'ಚೈತನ್ಯ ಕಲಾವಿದರು' ತಂಡದ ಅತ್ಯಂತ ಜನಪ್ರಿಯ ಕೌಟುಂಬಿಕ ತುಳು ನಾಟಕವಾಗಿದ್ದು, ತಂಡದ ಸಾರಥಿ ಪ್ರಸನ್ನ ಶೆಟ್ಟಿ ಬೈಲೂರು ಅವರ ಕಥೆ ಮತ್ತು ನಿರ್ದೇಶನದಲ್ಲಿ ಮೂಡಿಬಂದಿದೆ. ಕರಾವಳಿ ಕರ್ನಾಟಕದ ಹೆಮ್ಮೆಯ ಜಾನಪದ ಕಲೆಯಾದ ಹುಲಿವೇಷ ಹಾಗೂ ತುಳುನಾಡಿನ ಯುವಜನತೆಗೆ ಈ ವಿಶಿಷ್ಟ ಕಲೆಯ ಮೇಲಿರುವ ಅಪಾರ ಪ್ರೀತಿ, ಉತ್ಸಾಹ ಮತ್ತು ಬಾಂಧವ್ಯವನ್ನು ಈ ನಾಟಕ ಪ್ರಮುಖ ಕಥಾಹಂದರವಾಗಿ ಹೊಂದಿದೆ. ಆಪ್ತವಾದ ಕೌಟುಂಬಿಕ ಭಾವನೆಗಳೊಂದಿಗೆ ಕರಾವಳಿಯ ಸಾಂಸ್ಕೃತಿಕ ಗತ್ತು ಮತ್ತು ಸೊಗಡನ್ನು ಅದ್ಭುತವಾಗಿ ಬೆರೆಸಿರುವ 'ಅಷ್ಟಮಿ', ಪ್ರೇಕ್ಷಕರ ಮನಸ್ಸನ್ನು ಗಾಢವಾಗಿ ತಟ್ಟಿ ದಾಖಲೆಯ ಸಮಯದಲ್ಲಿ 100ಕ್ಕೂ ಹೆಚ್ಚು ಪ್ರದರ್ಶನಗಳನ್ನು ಪೂರೈಸಿ ಕರಾವಳಿಯಾದ್ಯಂತ ಚೈತನ್ಯ ಕಲಾವಿದರು ತಂಡಕ್ಕೆ ಒಂದು ವಿಶಿಷ್ಟವಾದ ಹೊಸ ಗುರುತನ್ನು ತಂದುಕೊಟ್ಟಿದೆ.